చలివాగు ప్రాజెక్ట్ నీటిని విడుదల చేసిన ఎమ్మెల్యే సత్యనారాయణ

 

జోగంపల్లి చలివాగు ప్రాజెక్టు నుండి ఆయకట్టు కాలువలకు నీటిని విడుదల చేసిన ఎమ్మెల్యే జీఎస్సార్..

భూపాలపల్లి నియోజకవర్గం శాయంపేట మండలం జోగంపల్లి గ్రామ శివారులోని మధ్యతరహా ప్రాజెక్ట్ చలివాగు నుండి ఈరోజు సోమవారం సాయంత్రం *భూపాలపల్లి ఎమ్మెల్యే గండ్ర సత్యనారాయణ రావు* ఆయకట్టు కాలువలకు నీటిని తూము వద్ద గేట్ వాల్వ్ తిప్పి విడుదల చేశారు. 

ఈ సందర్భంగా ఎమ్మెల్యే గండ్ర మాట్లాడుతూ... నియోజకవర్గంలో మధ్యతరహా ప్రాజెక్టు అయిన జోగంపల్లి చాలివాగు ప్రాజెక్టు నుండి నీటిని విడుదల చేయడం జరిగిందన్నారు. ఈ వర్షాకాలంలో రైతులకు ఆయకట్టు కాలువల ద్వారా నీటిని పంట పొలాలకు అందించడం జరుగుతుందని తెలిపారు. ఈ ప్రాజెక్టు కింద మొత్తం 3046 ఎకరాల పంట పొలాలకు నీటిని అందించడం జరుగుతుందన్నారు.

 ఈ కాలువల ద్వారా శాయంపేట మండలంలోని జోగంపల్లి, పెద్దకోడెపాక, కొప్పుల గ్రామాలతో పాటు కొత్తపల్లిగోరి మండలంలోని రాజక్కపల్లి, చిన్నకోడెపాక, దామరంచపల్లి, చెన్నాపూర్ గ్రామాల రైతులకు సాగు నీటిని అందించడం జరుగుతుందని తెలిపారు. ఈ కార్యక్రమంలో ఎమ్మెల్యే వెంట శాయంపేట మండలంలోని పలు గ్రామాల కాంగ్రెస్ పార్టీ నేతలు, ఇరిగేషన్ ఈఈ, డీఈ లు ఉన్నారు. 

------ends